تكشبيلا
من منظور الموسيقى الالكترونية
︎︎︎
تصريح
الحالة ديال التراث الموسيقي الأمازيعي فالمغرب حاليا يرثى لها. ماشي غير القيمة ديال واحد الفن لي كانشوفوها كاتلاشى تحت الأضواء الخافتة ديال الساحة الفولكلورية، و لكن كاتحس بأننا غاديين و تانفقدو واحد المكون أساسي من الهوية ديالنا.
حنا كمبادرة الهدف ديالها إغناء و إعادة إحياء هاذ التراث, كيبان لنا نقدرو نعاودو نكتاشفوه من منظورنا الخاص للي هو الموسيقى الإلكترونية.
خلال السنين للي تطورات فيها هاد الموسيقى، طورات معاها النظرة ديالنا لمفهوم "الصوت"، لا من ناحية كيفاش كانتصنتو ليه أو كيفاش كنتجوه ، أو كيفاش كانحافظو عليه و حتى كيفاش كايدوز من جيل لجيل. هادشي كايتوضح لينا ملي كانلاحظو الموجات الموسيقية الرائدة فأغلب بلدان افريقيا الوسطى و افريقيا الجنوبية فحال موسيقى الڭكوم أو الآكولا أو الكوايتو أو الكودورو للي سادت العالم كامل بفضل الموسيقى الإلكترونية.
هاذ الأصوات تتساهم في إشعاع ثقافات البلدان للي كاتنتمي لها و تدمير الأحكام المسبقة للي كاتكون عند بعض الأجانب.
الموسيقى الالكترونية الافريقية عرفات نوع من التطور، بحيث مابقيناش كانسميو أي موسيقى جايا من إفريقيا عبثيا "أفرو بيت" أو "موسيقى عالمية".
و هذا هو الهدف للي بغينا نحققو . بغينا العالم كامل يولي يفرق ما بين موسيقى سوس و الريف و الأطلس المتوسط. و لكن مايمكنش لنا نحققو هاذ الهدف إلا إذا تعمقنا في كل غصن من أغصان شجرة الموسيقى الأمازيغية المغربية.
هادشي علاش بغينا نبداو هاذ المغامرة بدراسة التراث الموسيقي ديال سوس، طامحين فالمستقبل نستمرو في استكتشاف و إعادة إحياء الموسيقى الأمازيغية.
سوس ماسة
روح تكشبيلا تولدات في سوس ماسة، منطقة في جنوب المغرب، معروفة عالمياً بمناخها المعتدل، وتنوع مناظرها الطبيعية و الإرث الثقافي الأمازيغي الغني ديالها. و حنا كنكبرو، لاحظنا معا الوقت كيف بدأ التراث الموسيقي الثري في المنطقة كيدضعاف و يندثر. المبادرات لي كاينا لرفع المستوى ديالو والحفاظ عليه قليلة، حيتاش صناع القرار عندهم اسبقيات أخرى. لهذا فتكشبيلا جات كنداء باش نعاودو نتكتشفو هذا الكنز الي هو الموسيقى الأمازيغية من منظور مبتكر، و نقدموه للعالم ف حلة جديدة
تيكشبيلا مشروع ديال إقامة موسيقية فجنوب المغرب، كييجمع مبين الموسيقيين الأمازيغ فسوس ومنتجين مغاربة للموسيقى الالكترونية، باش اخلقو صوت كيدمج هذ العوالم بجوج، وكيحط التراث الموسيقي الأمازيغي ديال منطقة سوس فجوهر الإبداع
الجمعية المغربية للموسيقى الإلكترونية هي جمعية تعمل من أجل دعم، تعزيز وتطوير قطاع الموسيقى الإلكترونية في المغرب، وكذلك تعزيز وتوثيق و تجديد مختلف الأنواع الموسيقية الأمازيغية